2016թ. ապրիլի 1-ից լույս 2-ը Ադրբեջանը լայնածավալ գործողություններ ձեռնարկեց ղարաբաղա-ադրբեջանական սահմանի գրեթե ողջ երկայնքով: Թուրք ազերին փորձեց կրկին ուժի միջոցով տիրանալ անկախ Արցախ աշխարհին:
Ապրիլյան քառօրյա պատերազմում զոհվեցին տասնյակ զինծառայողներ, կամավորներ, խաղաղ բնակիչներ:
Հավերժ հիշատակ անմահացած նահատակներին,
Խոնարհում Ապրիլյան քառօրյա պատերազմի մարտիրոսված հերոսների շիրիմներին:
Դարեր շարունակ անընդհատ պայքարի մեջ գտնվելով, բազում փորձությունների միջով անցնելով էլ` մենք միշտ ապացուցել ենք, որ հերոսաբար պաշտպանում ենք մեր հայրենիքն ու քաջ հայորդիների կյանքի գնով ձեռք բերված անկախությունը:
Մարտահրավերներ այսօր էլ կան մեր առջեւ, բայց մենք մեր միասնությամբ, համախմբվածությամբ, ամենօրյա աշխատանքով պետք է հասնենք մեր նպատակներին:
Սիրելի’ հայրենակիցներ
ՀՀ Երկրապահ կամավորականների միությունը, Սպարապետ Վազգեն Սարգսյանի պատգամին հավատարիմ, միշտ կատարելու է իր առաքելությունը:
Երեկ էլ, այսօր էլ, վաղն էլ երկրապահը լինելու է բանակի համար մեկ օգնականը` սահմանապահին ուժ ու կորով տվողը, սահմանապահին աջակցողը:
Հանուն մեր Հայրենիքի եւ մեր ժողովրդի բարօրության մենք պետք է եւ պարտավոր ենք հավատով ու միասնական լինել:
Մենք` Երկրապահներս, մեր հավատը չենք կորցնում` հավատում ենք, որ նորանոր հաջողություններն ու նվաճումները առջեւում են:
Փա’ռք մեր բանակին, երկրապահին,կամավորականներին,
Փա‘ռք ու պատիվ Հայաստան, Արցախ, Սփյուռք եռամիասնությանը:
ՀՀ Երկրապահ կամավորականների միություն
