Դեկտեմբերի 7-ը 1988թ․ Երկրաշարժի զոհերի հիշատակի օրն է

Մեր պատմության հերթական ցավոտ օրերից է դեկտեմբերի 7-ը: Արդեն 33 տարի հայ ժողովուրդը սգում է Սպիտակի ավերիչ երկրաշարժի զոհերի հիշատակը:

    Մենք դարերի պատմություն ունենք, որքան ցավ ենք տեսել, տառապանք, բայց միշտ էլ հաղթահարել ենք ցավը, միշտ էլ մեր մեջ ուժ ենք գտել պայքարելու եւ դա եղել է մեր համախմբվածության շնորհիվ:

1988թ դեկտեմբերի 7-ը միավորեց աշխարհասփյուռ հայությանը, մեր բարեկամ երկրներին եւ բոլորը սկսեցին օգնել ու աջակցել, որպեսզի վերականգնվի աղետի գոտին, որպեսզի բարելավվի տուժածների կյանքը:

Մեր պետությունը, մեր երկիրը բոլորիս կարիքն ունի ամեն օր եւ ամեն բնագավառում:

Մեր հոգիներում ցավ ու վիշտ շատ կա, մեր սրտերում չսպիացող վերքեր կան:

Երկրաշարժի զոհերի հիշատակը մեր հիշողություններում է:

Մենք՝ Հայաստանում, Արցախում եւ սփյուռքում պետք է ուժեղ լինենք, միասնական ու կերտենք մեր  ապագան:

ՀՀ ԵԿՄ Վարչություն