«Պատանի երկրապահ» կառույցը լայնածավալ աշխատանքներ է իրականացնում հանրապետության բոլոր մարզերում: Երեխաները այստեղ ոչ միայն ուսանում են գործնական եւ տեսական պարապմունքներ, այլ նաեւ կազմակերպվում են այցեր թանգարաններ, պանթեոններ, գրադարաններ, մշակույթի կենտրոններ:
Հերթական թանգարանային այցը հանգստյան օրերին էր: ԵԿՄ «Պատանի երկրապահ» ակումբի սաները Կոմիտասի թանգարան-ինստիտուտում էին: Մեծ էր պատանիների ոգեւորությունը: Պատանիները նախօրոք ուսումնասիրել էին Կոմիտաս Վարդապետի կենսագրությունն ու գործունեությունը: Պատանի երկրապահները սակայն այցի ընթացքում բացահայտեցին ավելին:
Շրջայցի ընթացքում պատանիները կատարեցին Կոմիտաս Վարդապետի ստեղծագործությունները:
Կառույցին անդամակցող տղաներն ու աղջիկները տպավորված են կազմակերպվող տարատեսակ միջոցառումներով, անցկացվող պարապմունքներով: Նշում են, որ անհամբեր սպասում են դասընթացի հերթական օրվան եւ հաճույքով այցելում են:
Նմանատիպ այցեր կազմակերպվում են հանրապետության բոլոր մարզերում գործող ԵԿՄ պատանի երկրապահ կառույցներում:
