Փետրվարի 11-ին ԵԿՄ վարչությունում անցկացվեց համատեղ քննարկում Հանրային խորհրդի անդամների հետ

ԵԿՄ վարչության նախագահի, անդամների, ՊՆ ներկայացուցչի, Հանրային խորհրդի ուժային կառույցների հանձնաժողովի նախագահի, ՀԽ պաշտպանության ենթահանձնաժողովի նախագահի, անդամների, մասնակցությամբ ԵԿՄ վարչությունում անցկացվեց համատեղ քննարկում: Քննարկվում էր ՀՀ գրող, դրամատուրգ, «Գարեգին Նժդեհ» ջոկատի հիմնադիր ղեկավար Հովհաննես Ներզեթյանի ծրագիրը:

Պատերազմի հետեւանքով նման իրավիճակում հայտնվելուց հետո բոլորիս մտորումներում մի գաղափար է՝ վերադարձնել ՄԵՐ տարածքները, էլ ավելի ուժեղացնել ՀԱՅ-ի անունն ու դիրքը աշխարհում: Այս ամենին հասնելու համար թերեւս անհրաժեշտ են հանրային համատեղ քննարկումներ ամենատարբեր թեմաներով, որոնց արդյունքում կնշվեն նորանոր գաղափարներ, ապա այդ գաղափարները ի կատար կածվեն եւ մենք վերջապես կունենանք մեր երազած հայրենիքն ու կապահովագրենք ապագայի մեր անվտանգ, խաղաղ ապրելու իրավունքը:

Քննարկումն անցավ աշխատանքային մթնոլորտում: Երկրապահները առանձնացված ապագայի տեսլականի շուրջ հայտնեցին մտահոգությունները, կարծիքները: Շատ հարցերում ըստ ունեցած փորձի պնդեցին իրենց մտահոգությունները, հանդես եկան տարբեր առաջարկներով:

Համատեղ քննարկմանը մասնակցող Հանրային խորհրդի անդամները վստահեցրեցին, որ նման քննարկումների արդյունքում կծնվեն նոր գաղափարներ եւ հեղինակի ծրագիրը վերջիվերջո էլ ավելի հիմնավոր ու արդյունավետ կդառնա: Իրենց համոզմամբ պարզապես սխալ կլիներ, եթե նման թեմայի շուրջ քննարկումը առաջին հերթին չծավալվեր ՀՀ ԵԿՄ վարչությունում՝ երեք պատերազմ անցած հայրենասեր երկրապահ կամավորականների հետ:

Երկրապահ կամավորականների միությունում ստեղծված իրավիճակի վերլուծմամբ, ամենօրյա աշխատանք է իրականացվում՝ ելքեր փնտրելու, մեր հայրենիքի պաշտպանությունն ու անվտանգությունը ուժեղացնելու, բանակի կողքին լինելու, բանակի թիկունքն ամուր պահելու, ուղղությամբ: Երկրապահները մինչ օրս սահմաններում են եւ ամենայն պատասխանատվությամբ իրականացնում են մարտական հերթապահությունն ու սահմանների անվտանգության պահպանումը՝ չկորցնելով հավատը, որ մենք միասնական կազատագրեն կորցրած տարածքները:

spot_img

ԱՄԵՆԱՆՈՐԸ