Շնորհավորանք ՀՀ վարչապետ Նիկոլ Փաշինյանի ծննդյան օրվա առթիվ

Մեծարգո՛ պարոն Վարչապետ.
ՀՀ երկրապահ կամավորականները ջերմորեն շնորհավորում են Ձեզ ծննդյան տարեդարձի առթիվ: Մաղթում Ձեզ քաջառողջություն, հաջողություններ:

Մեծարգո ՛ ՀՀ Վարչապետ.
Վարչապետի բարձր պաշտոնում ձեր գործունեության, մեր պետության զարգացման, ծաղկման ճանապարհին Ձեզ անկոտրուն կամք եւ հաջողություններ ենք մաղթում: Վստահ ենք, որ աշխարհասփյուռ հայ ազգը վերջապես արդար եւ պատասխանատու ղեկավարման շնորհիվ կունենա մեծ ձեռքբերումներ, նորանոր առաջընթաց:
Մեր ժողովուրդն այսօր համախմբված է, վստահում է իր իսկ ընտրած իշխանությանը՝ ձեր գլխավորությամբ: Մենք էլ հավատարիմ մեր որդեգրած պատգամին՝ ժողովրդի կողքին ենք՝ ձեր կողքին ենք եւ պատրաստ ենք ծառայել հայրենիքին:

Լիահույս ենք, որ միասնական աշխատանքի, աշխատանքների ճիշտ տեղաբաշխման շնորհիվ ՀԱՅԸ աշխարհին դեռ զարմացնելու է, ինչպես 2018թ.-ին ողջ աշխարհը թնդաց Թավշյա հեղափոխությամբ, այդպես էլ թնդալու է համայն հայության հաջողություններով, ձեռքբերումներով:

 

Մենք հերոսական անցյալ, ինչու չէ նաեւ ներկա ունենք եւ մենք՝ երկրապահներս, ապագան եւս հերոսական ենք տեսնում: Այսօր մենք ունենք մարտունակ բանակ, որն ստեղծվել է երկրապահական ջոկատների հիմքի վրա, ունենք հզոր պետություն, որտեղ եւս մեծ է երկրապահի ավանդը: Երկրապահ կամավորականների մեծ ավանդի շնորհիվ մենք այսօր ապրում ենք խաղաղ ու հաղթանակած Հայաստանում, եւ ապրում ենք այն հույսով, որ եռամիասնությունն անպայման կկայանա: Ուստի կեցցե՛ազատամարտը, Հայաստանի եւ Արցախի ժողովուրդը, սփյուռքահայությունը, մեր բանակը, կեցցե՛նք մենք ու մեր երեխաները: Մենք ապացուցել ենք, որ հաղթող ազգ ենք, եւ ուրեմն ի գործ հանուն հաղթանակած ազգի վաղվա պայծառ օրվա:

Մեծարգո՛ Նիկոլ Փաշինյան.
Ձեզ, Ձեր ընտանիքին շուտափույթ ապաքինում ենք մաղթում:

ՀՀ ԵԿՄ վարչության նախագահ՝ Սասուն Միքայելյան

ԱՄԵՆԱՆՈՐԸ

Շնորհավո՛ր տոնդ, անկախ Հայաստան (տեսանյութ)

29 տարի առաջ Հայաստանի Հանրապետությունը հռչակվեց անկախ պետություն: ՀՀ Երկրապահ կամավորականների միությունում այսօր տոնական մթնոլորտ էր: Երկրապահները մեծ ոգեւորությամբ, հպարտությամբ շնորհավորում էին միմյանց Անկախության 29-ամյակի...

Ուղերձ ՀՀ Անկախության օրվա առթիվ

Սիրելի՛ հայրենակիցներ, աշխարհասփյուռ հայ ժողովուրդ, Սրտանց շնորհավորում եմ բոլորիս Հայաստանի Հանրապետության անկախության օրվա առթիվ: Հայաստանի անկախությունը մեր դարավոր երազանքն էր, որ իրականություն դարձավ հայ ժողովրդի բազմամյա...

Լրանում է Հատուկ Գնդի կազմավորման 30-ամյակը

20.09.2020թ. ՀՀ առաջին զինվորական կազմակվորումը՝ Հատուկ գունդը նշում է կազմավորման 30-ամյակը: 1990թ. վերջին Հայաստանի Հանրապետության սահմանամերձ շրջաններում եւ Լեռնային Ղարաբաղում իրավիճակը այն աստիճանի էր...

Ուղերձ Արցախի Հանրապետության օրվա առթիվ

Սիրելի՛ արցախահայություն, ՀՀ Երկրապահ կամավորականների միության եւ վարչության անունից շնորհավորում եմ բոլորիս Արցախի Հանրապետության կարեւորագույն տոներից մեկի՝ Անկախության օրվա առթիվ: Անկախությունն ու ազատությունը հեշտ չի...