Շնորհավո´ր տոնդ, Հայաստանի Հանրապետության քաղաքացի

Աշխարհասփյուռ հայ ժողովուրդ,
Հայաստանի, Արցախի, սփյուռքի սիրելի հայրենակիցներ,

ՀՀ ԵԿՄ վարչությունը ջերմորեն շնորհավորում է բոլորիս քաղաքացու օրվա առթիվ:

2018 թվականը մեր պատմության էջերում գրվեց «Թավշա հեղափոխություն»: Ամբողջ աշխարհը թնդաց մեր երկրում իրականացված ժողովրդավարական նմանօրինակ իրադարձությունից:

Դա քո՛ հաղթանակն էր, Հայաստանի Հանրապետության սիրելի´ քաղաքացի:


Այսօր արվում է ամեն հնարավորը, որպեսզի Ձեր ընտրությունը սխալ չհամարեք, որպեսզի Ձեր վստահությունը երբեք չկորցնեք:

Մենք պատերազմների միջով անցած ժողովուրդ ենք, մենք ցեղասպանություն տեսած ազգ ենք եւ այդուհանդերձ` ՄԵՆՔ ՀԶՈՐ ԵՆՔ:

Այսօր էլ մի նոր դժվարություն է բաժին հասել ամբողջ աշխարհին, սակայն վստահ եմ, որ մենք` հպարտ եւ պատասխանատու քաղաքացիներս, կրկին մեր միասնության ու կարգապահության շնորհիվ կդիմակայենք նաեւ այս դժվարությանը` գիտակցելով հայ քաղաքացու արժեքը, եւ դուրս գալով այս իրավիճակից կսկսենք նոր ուժով զարկ տալ տնտեսությանը:

Շնորհավորում եմ, հաղթանակա´ծ հայ քաղաքացի. մեր միակ փրկությունը մեր միասնության ուժի մեջ է: Մաղթում եմ, որ այդ միասնությունը ամուր լինի, քանզի այդ միասնության ու համախմբվածության շնորհիվ մենք կկարողանանք գրանցել նորանոր հաջողություններ, ձեռքբերումներ:

ՀՀ ԵԿՄ վարչության նախագահ` Սասուն Միքայելյան

ԱՄԵՆԱՆՈՐԸ

Շնորհավո՛ր տոնդ, անկախ Հայաստան (տեսանյութ)

29 տարի առաջ Հայաստանի Հանրապետությունը հռչակվեց անկախ պետություն: ՀՀ Երկրապահ կամավորականների միությունում այսօր տոնական մթնոլորտ էր: Երկրապահները մեծ ոգեւորությամբ, հպարտությամբ շնորհավորում էին միմյանց Անկախության 29-ամյակի...

Ուղերձ ՀՀ Անկախության օրվա առթիվ

Սիրելի՛ հայրենակիցներ, աշխարհասփյուռ հայ ժողովուրդ, Սրտանց շնորհավորում եմ բոլորիս Հայաստանի Հանրապետության անկախության օրվա առթիվ: Հայաստանի անկախությունը մեր դարավոր երազանքն էր, որ իրականություն դարձավ հայ ժողովրդի բազմամյա...

Լրանում է Հատուկ Գնդի կազմավորման 30-ամյակը

20.09.2020թ. ՀՀ առաջին զինվորական կազմակվորումը՝ Հատուկ գունդը նշում է կազմավորման 30-ամյակը: 1990թ. վերջին Հայաստանի Հանրապետության սահմանամերձ շրջաններում եւ Լեռնային Ղարաբաղում իրավիճակը այն աստիճանի էր...

Ուղերձ Արցախի Հանրապետության օրվա առթիվ

Սիրելի՛ արցախահայություն, ՀՀ Երկրապահ կամավորականների միության եւ վարչության անունից շնորհավորում եմ բոլորիս Արցախի Հանրապետության կարեւորագույն տոներից մեկի՝ Անկախության օրվա առթիվ: Անկախությունն ու ազատությունը հեշտ չի...