Այսօր մենք ոգեկոչում ենք սումգայիթյան հակահայկական ջարդերի զոհերի հիշատակը

1988թ. փետրվարի 27-29-ը Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվում էր հայերի ունեցվածքի թալանով և ոչնչացմամբ: Սումգայիթում, իսկ հետագայում Բաքվում, Կիրովաբադում և Մարաղայում հայերի նկատմամբ իրականացված բռնությունների ու դաժանությունների նպատակն էր կանխել Արցախյան շարժումը`կանխել Արցախյան ազատագրական պայքարի տարածումը:

Բայց Ցեղասպանություն տեսած ազգին ոչինչ չի սպառնում: Հայը միշտ էլ անկոտրուն է, հպարտ ու համախմբված: Այո մեր ժողովուրդը բազմիցս ապացուցել է, որ ամենադժվար, անելանելի պահերին կարողանում է համախմբվել, մի բռունցք դառնալ ու պայքարել: Պայքարել հանուն ազատության, հանուն ճշմարտության, հանուն այսօրվա եւ վաղվա պայծառ ապագայի:

Այդ օրերի համախմբվածության վառ ապացույցն էլ ազատամարտն է՝ երկրապահական ջոկատների կազմավորումն ու հաղթանակի համար պայքարի դուրս եկած փառապանծ տղերքի միասնությունը:

Սիրելի հայրենակիցներ,

Այսօր լրանում է Սումգայիթյան ջարդերի 32-րդ տարելիցը: Չնայած միջազգային հանրությունը դեռևս Սումգայիթի ոճրագործությունը չի ճանաչել որպես ցեղասպանություն, բայց այն դատապարտել են Եվրախորհրդարանը (1988թ.), ԱՄՆ Սենատը (1989թ.), Արգենտինայի խորհրդարանը:
ՀՀ ԵԿՄ վարչությունը ցանկանում է բարձրաձայնել, որ մեր միասնական ու ամուր երկրապահական ընտանիքը ինչպես երեք տասնամյակ առաջ, այդպես էլ այսօր կանգնած է երկրի սահմաներն անառիկ պահող զինվորի կողքին: Երկրապահն ամեն տեղ, ամեն օր ու ամեն ժամ իր պետության զինվորն է:

ԱՄԵՆԱՆՈՐԸ

Շնորհավո՛ր տոնդ, անկախ Հայաստան (տեսանյութ)

29 տարի առաջ Հայաստանի Հանրապետությունը հռչակվեց անկախ պետություն: ՀՀ Երկրապահ կամավորականների միությունում այսօր տոնական մթնոլորտ էր: Երկրապահները մեծ ոգեւորությամբ, հպարտությամբ շնորհավորում էին միմյանց Անկախության 29-ամյակի...

Ուղերձ ՀՀ Անկախության օրվա առթիվ

Սիրելի՛ հայրենակիցներ, աշխարհասփյուռ հայ ժողովուրդ, Սրտանց շնորհավորում եմ բոլորիս Հայաստանի Հանրապետության անկախության օրվա առթիվ: Հայաստանի անկախությունը մեր դարավոր երազանքն էր, որ իրականություն դարձավ հայ ժողովրդի բազմամյա...

Լրանում է Հատուկ Գնդի կազմավորման 30-ամյակը

20.09.2020թ. ՀՀ առաջին զինվորական կազմակվորումը՝ Հատուկ գունդը նշում է կազմավորման 30-ամյակը: 1990թ. վերջին Հայաստանի Հանրապետության սահմանամերձ շրջաններում եւ Լեռնային Ղարաբաղում իրավիճակը այն աստիճանի էր...

Ուղերձ Արցախի Հանրապետության օրվա առթիվ

Սիրելի՛ արցախահայություն, ՀՀ Երկրապահ կամավորականների միության եւ վարչության անունից շնորհավորում եմ բոլորիս Արցախի Հանրապետության կարեւորագույն տոներից մեկի՝ Անկախության օրվա առթիվ: Անկախությունն ու ազատությունը հեշտ չի...