Շնորհավորական ուղերձ Հայոց Բանակի կազմավորման 28-րդ տարեդարձի կապակցությամբ

Սիրելի՛ հայրենակիցներ.

Ազգային բանակ ունենալը դարեր ի վեր եղել է մեր ժողովրդի երազանքը, և ահա քսաներորդ դարավերջին մեր նորանկախ պետության առջև ծառացած բազում և դժվարին մարտահրավերները՝ փլուզված կայսրությունը, կազմալուծված տնտեսությունը, տակավին փլատակների մեջ գտնվող աղետի գոտին և, ի վերջո, աստիճանաբար լայնամասշտաբ պատերազմի վերածվող արցախյան գոյամարտը, օրվա հրամայական դարձրեցին հայոց ազգային բանակ կազմավորելու խնդիրը: 1992 թվականի հունվարի 28-ին Վազգեն Սարգսյանի գլխավորությամբ կամավորականության հիմքի վրա, համայն հայության ապրելու և մեզ պարտադրված պատերազմում հաղթելու միասնական ու անկոտրում կամքի շնորհիվ ծնվեց Հայոց Բանակը և ի փառս մեր ժողովրդի՝ կայացավ ու շատ կարճ ժամանակում դառնալով տարածաշրջանի ամենամարտունակ բանակը՝ կարողացավ ոչ միայն անառիկ պահել մեր երկրի սահմանները, այլ նաև ազատագրել Արցախը: Հազարավոր նվիրյալներ, որոնք մեր ազգի սերուցքն էին, իրենց կյանքը զոհաբերեցին հանուն այդ Հաղթանակի: Հավերժ փառք մեր բոլոր նահատակներին…

Աշխարհով սփռված սիրելի՛ հայրենակիցներ.

Այսօր Հայոց Բանակը օրեցօր վերազինվում ու արդիականանում է, տեղի է ունենում նաև սերնդափոխություն, և ապրիլյան քառօրյա պատերազմում նոր սերունդը հերոսականության մի նոր փառահեղ էջ ավելացրեց մեր հաղթանակների պատմությանը և ապացուցեց, որ անհնար է հայ զինվորին հաղթելը:

Սիրելի՛ հայրենակիցներ.

Երկրապահ Կամավորականների Միությունը, լինելով բանակաշինության ակունքներից սերված կազմակերպություն, մշտապես եղել և մնալու է Հայոց Բանակի կողքին և իր ավանդն է բերելու մեր երկրի պաշտպանունակության բարձրացմանն ու մեր բանակի հզորացմանը: Տոնական այս օրը Երկրապահ Կամավորականների Միությունը Վարչության գլխավորությամբ շնորհավորում է Հայոց Բանակի բոլոր զինվորներին՝ շարքայինից մինչև գեներալ, նրանց ընտանիքների անդամներին, բոլոր ազատամարտիկներին և նրանց ընտանիքների անդամներին, զոհված զինծառայողների և ազատամարտիկների ընտանիքներին և ողջ հայ ժողովրդին այս հիրավի ժողովրդական տոնի՝ Հայոց Բանակի կազմավորման 28-ամյակի առթիվ և մաղթում է զինվորներին խաղաղ ու ստեղծագործ ծառայություն, նրանց ընտանիքներին՝ խաղաղություն և համբերություն, իսկ մեր ժողովրդին՝ բարօրություն և ուրախ, տոնական տրամադրություն:

Փա՛ռք ու պատիվ Հայոց հաղթանակած Բանակին

Հայաստանի Հանրապետություն
Երկրապահ Կամավորականների Միության Վարչություն

ԱԶԱՏԱՄԱՐՏ

Արցախյան ազատամարտ

Արցախյան ազատամարտ (նաև գոյամարտ, պատերազմ), Արցախի հայ բնակչության պայքարը հանուն Հայաստանի հետ միացման և ընդդեմ ադրբեջանական ագրեսիայի: Հակամարտության երկրորդ կողմն է Ադրբեջանը, որը ձգտում...

Բերձորի մարդասիրական միջանցքի բացում

«Բերձորի մարդասիրական միջանցքի բացում» (Լաչինի մարդասիրական միջանցքի բացում, Լաչինի ազատագրում, Բերձորի ազատագրում) ռազմական գործողություն։ Տեղի է ունեցել 1992 թվականի մայիսի 17-18-ին։ Ստեփանակերտի հարավարևմտյան մատույցներում...

Արցախյան գոյամարտը 20-րդ դարի վերջում

1988 թվականից Ադրբեջանը սանձազերծեց Հայ-ադրբեջանական պատերազմ։ Լավ զինված ադրբեջանական բանակը, ջոկատներից սկսեցին լայնածավալ հարձակումները Հայ-ադրբեջանական սահմանի ամբողջ երկայնքով։ Պատերազմի հորձանուտում հայերը միացյալ ուժերով ստեղծեցին...

ԱՄԵՆԱՆՈՐԸ

1992 թ-ի հունվարի 28-ին ստեղծվեց Հայոց բանակը

1992 թ-ի հունվարի 28-ին ստեղծվեց Հայոց բանակը. զարգացման ի՞նչ փուլեր է անցել այն Հանրային հեռուստաընկերություն 2020 news.1tv.am

Շնորհավորական ուղերձ Հայոց Բանակի կազմավորման 28-րդ տարեդարձի կապակցությամբ

Սիրելի՛ հայրենակիցներ. Ազգային բանակ ունենալը դարեր ի վեր եղել է մեր ժողովրդի երազանքը, և ահա քսաներորդ դարավերջին մեր նորանկախ պետության առջև ծառացած բազում և դժվարին...