• ԳԼԽԱՎՈՐ
  • ԵՐԿՐԱՊԱՀ
  • ՊԱՏԱՆԻ ԵՐԿՐԱՊԱՀ
  • ԱԶԱՏԱՄԱՐՏ
  • ՖՈՏՈՍՐԱՀ
  • ՄԵՐ ՄԱՍԻՆ

Սասուն Միքայելյանի ջանքերով վերաբացվեց ԵԿՄ ճամբարը

Մեկ տարվա դադարից հետո պատանի երկրապահների առջև կրկին իր հյուրընկալ դռներն է բացել Երկրապահ կամավորական միության կողմից կազմակերպվող պատանի երկրապահների ամենամյա ճամբարը` ԵԿՄ նախագահ Սասուն Միքայելյանի գլխավորությամբ: Ճամբարի բացման հանդիսավոր արարողությանը մասնակցում էին ՀՀ պաշտպանության նախարար Դավիթ Տոնոյանը, արտակարգ իրավիճակների նախարար Ֆելիքս Ցոլակյանը, տարածքային կառավարման և ենթակառուցվածքների նախարար Սուրեն Պապիկյանը, Գեղարքունիքի մարզպետ Գնել Սանոսյանը, Ազգային Ժողովի պաշտպանության և անվտանգության հարցերի մշտական հանձնաժողովի նախագահ և ԵԿՄ վարչության անդամ Անդրանիկ Քոչարյանը, Ազգային Ժողովի մի շարք պատգամավորներ ու բարձրաստիճան այլ հյուրեր:

ԵԿՄ նախագահ Սասուն Միքայելյանն իր ելույթում նախ ողջունեց ներկաներին ու շնորհակալություն հայտնեց նրանց` պատանի ԵԿՄ-ականների համար արդեն հարազատ դարձած ու այսչափ կարևոր իրադարձությանը մասնակցելու համար:

Պաշտպանության նախարար Դավիթ Տոնոյանն էլ իր հերթին շնորհակալություն հայտնեց Սասուն Միքայելյանին ու կարևորեց այսպիսի ճամբարների առկայությունն ու այն աշխատանքները, որոնք տարվում են այս ուղղությամբ:

Կառավարության մյուս անդամները ևս իրենց ելույթներում բարձր գնահատեցին այն ջանքերը, որոնցով շնորհիվ պատանիները կրթվում և դաստիարակվում են ռազմահայրենասիրական ոգով:

Ճամբարը տեղակայված է Գեղարքունիքի մարզի Ծովինար համայնքում: Նախորդ տարի` քաղաքական իրադարձությունների ֆոնին ճամբարը դադարեցրել էր իր գործունեությունը, սակայն 2019թ-ի ապրիլի 7-ին տեղի ունեցած Երկրապահ կամավորական միության 12-րդ արտահերթ համագումարում ընտրվելով ԵԿՄ վարչության նախագահ` ՍասունՄ իքայելյանի առաջին քայլերից մեկն եղավ ճամբարի վերաբացումը: Այսուհետ յուրաքանչյուր տարի հունիսից մինչ օգոստոս հարյուրավոր պատանիներ` ՀՀ-ից ու Արցախից իրենց 10-օրյա հանգիստն ու պարապմունքներն անցկացնելու են հենց այս ճամբարում:

Իսկ ճամբարում պատանիների համար առօրյան անցնում է բավականին հագեցած գրաֆիկով` նախավարժանքից մինչև պարային ու երաժշտական միջոցառումների կազմակերպում:

Ելույթների ցուցուցադրական զորավարժություններից հետո կառավարության անդամներն ու հյուրերը շրջայց կատարեցին ճամբարի տարածքում`տեղում ծանոթանալով պատանի երկրապահների համար ստեղծված պայմաններին`նոր և զինվորական ոճով կահավորված տնակներ, վերանորոգված ճաշարան ու բազմատեսակ ճաշացուցակ, վերանորոգված սանհանգույց, բուժկետ ու գրադարան` համալրված հայոց և համաշխարհային պատմության, գրականության ու ռազմական արվեստի գրքերով:

Իսկ վերջում միջոցառման մասնակիցները հարգանքի տուրք մատուցեցին ճամբարի տարածքում տեղադրված անմահ զինվորի հուշակոթողի մոտ:

armlur.am

ԱԶԱՏԱՄԱՐՏ

Արցախյան ազատամարտ

Արցախյան ազատամարտ (նաև գոյամարտ, պատերազմ), Արցախի հայ բնակչության պայքարը հանուն Հայաստանի հետ միացման և ընդդեմ ադրբեջանական ագրեսիայի: Հակամարտության երկրորդ կողմն է Ադրբեջանը, որը ձգտում...

Բերձորի մարդասիրական միջանցքի բացում

«Բերձորի մարդասիրական միջանցքի բացում» (Լաչինի մարդասիրական միջանցքի բացում, Լաչինի ազատագրում, Բերձորի ազատագրում) ռազմական գործողություն։ Տեղի է ունեցել 1992 թվականի մայիսի 17-18-ին։ Ստեփանակերտի հարավարևմտյան մատույցներում...

Արցախյան գոյամարտը 20-րդ դարի վերջում

1988 թվականից Ադրբեջանը սանձազերծեց Հայ-ադրբեջանական պատերազմ։ Լավ զինված ադրբեջանական բանակը, ջոկատներից սկսեցին լայնածավալ հարձակումները Հայ-ադրբեջանական սահմանի ամբողջ երկայնքով։ Պատերազմի հորձանուտում հայերը միացյալ ուժերով ստեղծեցին...

ԱՄԵՆԱՆՈՐԸ

video

ԵԿՄ-ն 30 ազատամարտիկի ճանապարհեցին Սոչի՝ հանգտի

Ռուսաստանի հայ բարերար Արման Ճուղուրյանի հովանու ներքո և Երկրապահ կամավորական միության նախաձեռնությամբ 30 ազատամարտիկ ճանապարհվեց Սոչի քաղաք՝ 15 օրյա հանգստի: Նախաձեռնության և այլ հարցերի մասին...

Սասուն Միքայելյանը միաձայն ընտրվեց ԵԿՄ վարչության նախագահ

Երկրապահ կամավորականների միության` ապրիլի 7-ին գումարված 12-րդ արտահերթ համագումարում միաձայն վարչության նախագահ ընտրվեց «Սասուն» կամավորական ջոկատի հրամանատար, ԱԺ պատգամավոր Սասուն Միքայելյանը։ «Երդվում եմ մեր եռադրոշով՝...

Հայաստանի զինված ուժեր

Հայաստանի զինված ուժեր, Հայաստանի անվտանգությունը, պաշտպանությունը և տարածքային ամբողջականությունը, նրա սահմանների անձեռնմխելիությունը պաշտպանող պետական ռազմական հաստատություն: Պատմություն Հայաստանի Հանրապետության զինված ուժերը կազմավորվել են բավականին բարդ ժամանակաշրջանում,...