Սասուն Միքայելյանի պատմական շանսը. ԵԿՄ-ն վերադառնում է իր արմատներին

Վերջին օրերին մամուլը զետեղված էր Սասուն Միքայելյանի ու ԵԿՄ վարչության հասցեին քննադատական հրապարակումներով, որոնց առիթը Միքայելյանի հայտնի հայտարարությունն էր Արթուր Վանեցյանի հայտարարության մասին: Հնչեցին ամենաարմատական գնահատականներ, ընդհուպ Սասուն Միքայելյանը մեղադրվեց հակահեղափոխական ռևանշիզմին նպաստելու մեջ:

Իհարկե, նման գնահատականները որևէ աղերս չունեն իրականության հետ, սակայն շատ դեպքերում համակարգն առողջացնող նշանակություն ունեն, որովհետև կառույցի ներսում գեներացնում են քննարկումներ, գործընթացներ:

ԵԿՄ-ում վերջին օրերին հենց այս իրավիճակն է, ու երկրում տեղի ունեցող որոշ գործընթացներ բացահայտում են, որ Վազգեն Սարգսյանի ստեղծած միությունը դրական իմաստով տրանսֆորմացվում է՝ վերադառնալով իր ակունքներին: Երկրում մեկնարկած մասշտաբային զորավարժություններին ԵԿՄ ակտիվ մասնակցությունը ցույց տվեց, որ Սասուն Միքայելյանին հաջողվել է ստեղծել կենսունակ թիմ, տարածքային կառույցները դուրս են բերվել քրեաօլիգարխիկ տրամաբանության համատեքստից՝ դառնալով պատերազմի վետերաններին կոնսոլիդացնող միավորներ:

Վազգեն Սարգսյանի մահվանից հետո ԵԿՄ-ն հետևողականորեն դեգրադացվել էր՝ դառնալով քրեաօլիգարխիկ համակարգի սեգմենտներից մեկը ու օտարվելով հազարավոր երկրապահներից, Եռաբլուրից: Հեղափոխության հաղթանակից ու Մանվել Գրիգորյանի կալանավորումից հետո անգամ քննարկվում էր միության գործունեության նպատակահարմարության հարցը: Բարեբախտաբար, Սասուն Միքայելյանը դարձավ ԵԿՄ առողջացման, ռեաբիլիտացիայի կոնսենսուսը, ու վստահաբար կարող ենք արձանագրել, որ միությունը պետականության, հեղափոխության օրակարգի կարևոր, առանցքային կրողներից մեկն է:

Շատ կարևոր է, որ ԵԿՄ-ն այսօրվա իշխանության հետ լինի ոչ թե ուղղահայաց բուրգի տրամաբանությամբ, այլ գաղափարաքաղաքական համատեքստով:

Սասուն Միքայելյանը կարծես կարողանում է լուծել այդ խնդիրը, ավելին՝ նա պատմական շանս է ստացել ԵԿՄ-ին վերադարձնելու այն հեղինակությունն ու առաքելությունը, որը միությունն ուներ Վազգեն Սարգսյանի կենդանության տարիներին:

1in.am

ԱՄԵՆԱՆՈՐԸ

Դարեր էլ անցնեն ԵՐԿՐԱՊԱՀՆ անմնացորդ ծառայելու է իր...

1993թ. հուլիսի 23-24-ին երկրապահ կամավորական ջոկատներն առաջին անգամ անցկացրեցին համագումար: Այդ օրը ՀՀ Երկրապահ կամավորականների միության վարչության նախագահ միաձայն ընտրվեց Վազգեն Սարգսյանը: Վազգեն Սարգսյանի...

Հուլիսի 20-ին տեղի ունեցավ խորհրդակցություն ԵԿՄ վարչության Երեւան...

ՀՀ ԵԿՄ վարչությունում կայացավ խորհրդակցություն Երեւան քաղաքի եւ մարզային խորհրդի նախագահների մասնակցությամբ: Վարչության նախագահ Սասուն Միքայելյանը ներկայացրեց օրակարգը, ապա մեկնարկեց նիստը: Մինչ նիստի մեկնարկը...

Փա՛ռք մեր բանակին

Հարգելի՛ հայրենակիցներ, Հակառակորդի հերթական ռազմական գործողություններն արդեն մի քանի օր է կասեցվում են ՀՀ Զինված ուժերի մարտունակության, գրագետ եւ պատասխանատու քայլերի շնորհիվ: Փա՛ռք մեր բանակին, Փա՛ռք զինծառայողներին,...

Շնորհավորական ուղերձ Սահմանադրության օրվա առթիվ

Սիրելի՛ հայրենակիցներ, Հայաստանի Հանրապետությունն այսօր նշում է Սահմանադրության օրը: Սահմանադրությունն ըստ էության երկրի Մայր օրենքն է, որը զատում է թույլատրելին անթույլատրելիից, ուրվագծում այն իրավական դաշտը,...

ՀՀ ՊՆ Վազգեն Սարգսյանի անվան ռազմական համալսարանի հրետանու...

Հունիսի 29-ի ՀՀ ՊՆ Վազգեն Սարգսյանի անվան ռազմական համալսարանի հրետանու ֆակուլտետի մասնագիտական լսարանն անվանակոչվել է 2020թ. մայիսին ողբերգական վթարի հետեւանքով զոհված կրթօջախի ավագ դասախոս,...

Հուշաքար ԵԿՄ Կենտրոն տարածքային բաժանմունքում

Օրերս Երեւան քաղաքի ԵԿՄ Կենտրոն տարածքային բաժանմունքում տեղի ունեցավ «2016թ. Ապրիլյան պատերազմի զոհերի հիշատակին» նվիրված հուշաքարի բացման արարողությունը: Համավարակի տարածման կանխարգելման նպատակով, պահպանելով արտակարգ...